Финансии / Банкарство
БЕРЗАНСКИТЕ ТРГОВЦИ ЈА ОЧЕКУВААТ ОДЛУКАТА НА ФЕД, аналитичарите очекуваат прво намалување на каматните стапки од 2020 година
17.09.2024
Одборот за отворен пазар во Федералните резерви (ФОМЦ) денеска го почнува дводневниот состанок на кој се очекува да се намали каматната стапка по која банките меѓусебно ќе си позајмуваат средства. Аналитичарите очекуваат прво намалување на каматните стапки од 2020 година, а таа сега се одржува на ниво од 5,25 до 5,50 отсто.
Инфлацијата во САД подолго време е со смирувачко темпо, а критичарите сметаат дека ФОМЦ, предолго ја одложуваше промената на монетарната политика. Повеќето аналитичари прогнозираат намалувањето на каматите да биде за 0,25 процентни поени, наспроти очекувањата на инвеститорите тоа да биде за 0,5 проценти поени.
Азиските берзи вчера тргуваа со различен ефект, јапонскиот индекс Nikkei 225 се намали за 2%, додека инвеститорите ја чекаат одлуката на ФЕД. Индексот S&P 500 ја подобри вредноста за 0,1 отсто Dow Jones Industrial Average порасна на ново највисоко ниво и додаде 196 бодови или 0,5 отсто. Технолошкиот индекс Nasdaq Composite изгуби 0,6%, објави „Сеебиз“.
фото freepic