Финансии / Банкарство
ЦРНОГОРЦИТЕ РАСПОЛАГААТ СО БАНКАРСКИ ДЕПОЗИТИ ПОВИСОКИ ОД ЈАВНИОТ ДОЛГ НА ЦРНА ГОРА, секој граѓанин во ЦГ има банкарска заштеда од 4.000 евра
10.10.2024
Депозитите во банките во Црна Гора на крајот на август изнесувале 5,67 милијарди евра и се повисоки за 170 милиони евра во однос на август 2023 година, објави Централната банка на Црна Гора.
Вкупниот црногорски бруто домашен производ (БДП) се проценува на 7,2 милијарди евра, а вкупните депозити во банките се во износ од 78 отсто од националниот БДП.
Нето јавниот долг на Црна Гора на крајот на јуни изнесувал 3,9 милијарди евра, па затоа вкупните депозити во банките се повисоки за 45 отсто од националниот јавен долг.
Црногорските граѓани во банките држат 2,16 милијарди евра и е историски рекорд и зголемување од 216 милиони евра во однос на август лани. Просечно секој граѓанин има банкарска заштеда од 4.000 евра.
Странските граѓани во банките држат 839 милиони евра и тие се за пет милиони повисоки од август минатата година. Просечниот изноз на заштеди на странските лица цо Црна Гора е 9,4 илјади евра.
Домашните приватни компании во банките имаат депозити вредни 1,5 милијарди евра, а државните фирми имаат депозити 262 милиони евра. Депозитите на домашните приватни компании се во значителен пад и тие лани изнесувале 1,65 милијарди евра.
Владата во банките имаат депозити во вредност од 269 милиони евра, а локалната самоуправа 189 милиони евра.
Странските фирми и организации во црногорските банки држат депозити во вредност од 485 милиони евра, објави „Инвеститор.ме“.
фото freepic