Финансии / Банкарство
ТРАМП ПОВТОРНО АПЕЛИРА ЗА НАМАЛУВАЊЕ НА КАМАТИТЕ ОД ФЕД
14.05.2025
Претседателот на Соединетите Американски Држави, Доналд Трамп, повторно го критикуваше раководството на Федералните резерви на САД (ФЕД) за тоа што не ги намалија каматните стапки поради загриженоста за инфлацијата, која останува над целниот опсег на централната банка.
- Нема инфлација, а цените на бензинот, енергијата, храната и практично сè друго се намалија! Федералните резерви мора да ги намалат каматните стапки, како што направија Европа и Кина, рече американскиот претседател.
Трамп лобираше кај Пауел и Федералните резерви пошироко да ги намалат каматните стапки за да ја стимулираат економијата и потенцијално да ги компензираат зголемувањата на цените што произлегуваат од неговите царини за увезената стока.
Сепак, од Федералните резерви објавија дека ќе почекаат да ги намалат каматните стапки сè додека не се појават знаци дека инфлацијата се враќа на целта од 2 проценти.
Федералните резерви (ФЕД) повторно ја задржаа референтната каматна стапка во опсег од 4,25 до 4,50 проценти, пренесува Блиц.
фото freepic