Финансии / Банкарство
Сиљановска Давкова: Предлогот за гувенер денеска ќе биде финализиран пред за заминам за Италија
21.05.2025
Претседателката Гордана Сиљановска Давкова денеска изјави дека одлучила кој ќе биде идниот гувернер на Народната банка, но оти јавноста ќе го дознае неговото име откако предлогот ќе биде испратен до Собранието.
- Никогаш не се кажува прво во јавноста, туку се испраќа до органот и Собранието одлучува. Тоа денеска ќе биде финализирано пред за заминам за Италија, рече Сиљановска Давкова во изјава за новинарите по денешниот Форум за културна дипломатија, што се одржа во нејзиниот кабинет.
Таа потврди дека ќе биде некој од кандидатите кои се спомнуваат во јавоста.
Меѓу тројцата најсериозни кандидати за оваа функција, се спомнуваа актуелната гувернерка Анита Ангеловска-Бежоска, професорот на Економскиот факултет во Скопје Трајко Славески и поранешниот министер за финансии Зоран Ставрески.
Мандатот на актуелната гувернерка Анита Ангеловска Бежоска истекува утре, но законот пропишува таа да ја врши функцијата до изборот на нов гувернер.
Ангеловска Бежоска стапи на функцијата на 22 мај 2018 година.
Извор/фото МИА