Финансии / Банкарство
МАКЕДОНИЈА Осигурување АД Скопје го утврди ДИВИДЕНДНИОТ КАЛЕНДАР за 2024г. Колкава дивиденда ќе поделат акционерите?
05.06.2025г
МАКЕДОНИЈА Осигурување АД Скопје во соопштение доставено до Македонска берза ги известува акционерите за донесена одлука за исплатата на дивиденда за деловната 2024 година и утврдување на дивиденден календар.
Дивидендата ќе се исплата од акумулираната нераспределна добивка од претходните години, во вкупен бруто износ од 90.077.876 денари односно дивиденда во бруто износ од 98 денари по акција или 7.92 % од номиналната вредност на една акција.
Утврдената дивиденда ќе се исплати согласно следниот ДИВИДЕНДЕН КАЛЕНДАР:
- Датум на евиденција 25.06.2025 година;
- Последен ден на тргување со право на дивиденда 23.06.2025 година;
- Прв ден на тргување без право на дивиденда 24.06.2025 година;;
- Датум на почеток на исплата на дивидена 17.07.2025 година.
- Последен рок за исплата на дивидена 30.09.2025 година.
Утврдената дивиденда ќе се исплати во готово на трансакциските сметки на акционерите.