Финансии / Банкарство
Меџити: Блокирани се 226 интернет страници за онлајн коцкање
13.06.2025
Влада имаат конкретен резултат во борба против криминалната индустрија на коцкањето и игрите на среќа. Со владината одлука за блокирање на 173 интернет страници за онлајн коцкање, се исполнува едно од најјасните ветувања што ги дале пред граѓаните, изјави вицепремиерот Изет Меџити на денешната прес-конференција.
Со овие интернет страници за онлајн коцкање, кои според него на нелегален начин нуделе услуги за игри на среќа во државата, и претходните 53 страници блокирани минатиот месец, бројката изнесува вкупно 226.
- Oва е директен удар во една криминална мрежа која со години беше планирана и заштитена од структури поврзани со претходната власт. За жал, една политичка партија која денес се претставува како чувар на правата и достоинствениот живот на Албанците, беше главен спонзор на коцкањето и вклучувајќи се директно во оваа индустрија, рече Меџити.
Тој смета дека таа политичка партија на, како што рече, коцкарската мафија го има дадено потребниот политички штит за да расте и се развива без да ја загрози никој.
Само за една година делувањето на игрите на среќа во земјата е намалено за 40 отсто. Владата интензивно работи на новиот закон за игри за среќа, кој според Меџити ќе биде за 50 до 70 отсто поригорозен од претходниот закон.
Извор/фото МИА