Американскиот берзански пазар ја забележа својата најдобра недела од средината на мај, откако геополитичките ризици се намалија, а Кина и САД се приближија кон постигнување конечен трговски договор.

Минатата недела индексот S&P 500 порасна за 3,4 проценти и достигна рекордно високо ниво на затворањето во петокот. Индексот на технолошки акции скокна за 4,3 проценти и го сруши рекордот поставен во декември минатата година.

На крајот од минатата недела, високи американски и кинески претставници потврдија дека е постигнат договор за испорака на ретки минерали во САД, кои се клучни ресурси во автомобилската, воздухопловната, воената и индустријата за чипови, пренесува Данас.

Азиските акции  во понеделникот постигнаа претежно повисоки вредности по рекордниот ден на Волстрит, бидејќи инвеститорите ги следеа напорите на земјите да постигнат трговски договори со САД.

фото freepic