Финансии / Банкарство
ТРАМП ИМА ДВЕ ИЛИ ТРИ НОВИ ИМИЊА ЗА ПРЕТСЕДАТЕЛ НА ФЕД!
02.07.2025
Американскиот претседател Доналд Трамп денеска изјави дека има две или три главни опции (имиња) за замена на Џером Пауел на функцијата претседател на Федералните резерви (ФЕД).
„Имам два или три главни избора“, изјави Трамп пред новинарите за време на обиколката на новиот центар за мигранти во Еверглејдс, но одби да даде дополнителни детали.
„Волстрит џурнал“ минатата недела објави дека Трамп ја разгледува можноста за смена на Пауел од функцијата претседател на ФЕД, а за најсериозни наследници се споменуваат поранешниот гувернер на ФЕД, Кевин Ворш, и директорот на Националниот економски совет, Кевин Хасет.
Портпаролката на Белата куќа, Каролин Ливит, вчера изјави дека американскиот претседател Доналд Трамп му пишал на претседателот на Федералните резерви, Џером Пауел, барајќи од него да ги намали каматните стапки.
Трамп претходно ги обвини гувернерот на американската централна банка и Одборот на Федералните резерви дека САД ќе заштедат милијарди долари од каматни трошоци доколку „правилно си ја вршат работата“.
Претседателот на Федералните резерви (ФЕД), Џером Пауел, одговори дека каматните стапки веројатно ќе беа намалени оваа година доколку не беа политиките на Доналд Трамп, како што се царините, кои влијаат на американската економија.
Пауел одби да ги коментира нападите на Трамп, нагласувајќи дека е „многу фокусиран на вршење на својата работа“, пренесуваат медиумите во светот.
Фото МИА