Финансии / Банкарство
Еврото со највисока вредност во однос на доларот, ЕЦБ пред монетарна дилема
13.07.2025
Еврото е на највисоко ниво во однос на доларот во последните четири години. Европската валута нгодинава порасна за 14 проценти во однос на американскиот долар. Меѓутоа, Европската централна банка се наоѓа пред дилемата дали порастот на еврото е благослов или проклетство, бидејќи неговото континуирано зголемување (дури и ако еврото надмине 1,20 долари) може да создаде деинфлаторни притисоци и да го оневозможи постигнувањето на целната инфлација од 2 проценти.
„ЕЦБ не сака да го признае тоа, но силното евро е причина за загриженост. Понатамошното зајакнување на еврото не само што би довело до пониска инфлација, туку и до проблеми за извозниците, а со тоа и до економска штета“, информираат од холандската финансиска група ING.
Европската централна банка веќе ги намали каматните стапки осум пати во својот последен обид да ја олесни монетарната политика. Се очекува уште еднаш да ја намали депозитната стапка оваа година (на 1,75 проценти), но најверојатно не на состанокот во јули, пренесува Сеебиз.
фото freepic