Финансии / Банкарство
Волстрит во „црвено“, се чека на одлуката на ФЕД!
30.07.2025
Вредноста на индексот S&P 500 се лизна од рекордни нивоа, како и индексот Nasdaq, бидејќи инвеститорите беа разочарани од кварталните деловни резултати на неколку компании. Инвеститорите тргуваа претпазливо, бидејќи оваа недела неколку технолошки гиганти ќе ги објават своите деловни резултати.
Дау Џонс изгуби 0,46 проценти, на 44.632 поени, додека S&P 500 се намали за 0,30 проценти, на 6.370 поени, а индексот Nasdaq изгуби 0,38 проценти, на 21.098 поени.
Падот на индексот е последица на послабите од очекуваните квартални деловни резултати на неколку големи компании.
Дополнително, во среда се очекува соопштение од редовниот состанок на американската централна банка.
Не се очекуваат намалувања на каматните стапки, иако американскиот претседател Доналд Трамп постојано го повикуваше претседателот на ФЕД, Џером Пауел, да го стори тоа.
Останува да се види дали Трамп повторно ќе му се закани на Пауел со отпуштање ако ФЕД не ги намали каматните стапки, како што се очекуваше.
Вчера европските берзи цените на акциите пораснаач Лондонскиот индекс FTSE порасна за 0,60 проценти на 9.136 поени, додека франкфуртскиот DAX порасна за 1,03 проценти на 24.217 поени, а парискиот CAC за 0,72 проценти на 7.857 поени, пренесува Индекс.хр.
фото freepic