Финансии / Банкарство
Втор последователен неделен пад на доларот
18.08.2025
Минатата недела вредноста на доларот се намали во однос на главните валути, бидејќи најновиот извештај за инфлацијата во САД ги поддржа очекувањата дека Федералните резерви ќе ги намалат каматните стапки за прв пат оваа година во септември.
Минатата недела индексот на доларот, кој ја мери вредноста на доларот во однос на шест главни валути, се намали за 0,44 проценти на 97,84 поени, што е втор последователен неделен пад.
Во меѓувреме, еврото зајакна за 0,5 проценти во однос на доларот, на 1,1697 долари. Американската валута, исто така, ослабна во однос на јапонскиот јен, за 0,37 проценти, на 147,18 јени.
Клучниот извештај за инфлацијата на потрошувачки цени во САД покажа дека инфлацијата е стабилна на годишна стапка од 2,7 проценти во јули, 0,1 процентен поен пониско од предвидувањата на економистите. Поради слабоста на американскиот пазар на трудот, минатата недела се зголемија очекувањата дека Федералните резерви ќе ги намалат каматните стапки за четвртина процентен поен, а можеби и за уште два пред крајот на годината, пренесува Сеебиз.
Намалувањето на каматната стапка од страна на Федералните резерви во септември, првото оваа година и можеби уште едно пред крајот на годината, останува основна прогноза за повеќето економисти анкетирани од Ројтерс.
фото freepic