Финансии / Банкарство
ИНВЕСТИТОРИТЕ НА БЕРЗИТЕ СЕ ВНИМАТЕЛНИ, СЕ ЧЕКА НА ГОВОРОТ НА ЧЕЛНИКОТ НА ФЕД
19.08.2025
Вредноста на акциите на американската берза се намали во понеделникот, бидејќи пазарите се оладија по победничкиот почеток на август. Трговците од Волстрит ги очекуваат клучните резултати од малопродажбата и годишниот говор на претседателот на Федералните резерви, Џером Пауел, на самитот на централната банка во Џексон Хоул.
Индексот на индустрискиот индекс Дау Џонс падна за 30 поени, или 0,1%. S&P 500 додаде на својата вредност речиси 0,1%, додека Nasdaq Composite се задржа близу до позитивна нула.
Случувањата во Федералните резерви ќе продолжат да бидат во фокусот на интересирањата на инвеститорите, бидејќи централните банкари патуваат во Џексон Хоул, Вајоминг, за годишниот симпозиум за економска политика, пренесува Сеебиз.
На европските берзи во понеделникот се тргуваше внимателно, а инвеститорите се фокусирани на вестите од средбата меѓу американскиот и украинскиот претседател Доналд Трамп и Володимир Зеленски.
По две недели раст индексот STOXX 600 на водечките европски акции беше речиси непроменет во утринското тргување. Индексот FTSE во Лондон порасна за 0,20 проценти на 9.155 поени, додека DAX во Франкфурт падна за 0,33 проценти на 24.278 поени, а CAC 40 во Париз падна за 0,34 проценти на 7.896 поени.
И на повеќето азиски берзи цените на акциите пораснаа. Индексот MSCI Азиско-пацифичкиот регион порасна за 0,3 проценти. Во исто време, цените на акциите во Австралија, Јапонија, Шангај и Индија пораснаа помеѓу 0,2 и 1,1 процент, додека во Хонг Конг и Јужна Кореја се намалија помеѓу 0,1 и 1,5 проценти.
фото freepic