Финансии / Банкарство
НАМАЛУВАЊЕ НА ВРЕДНОСТА НА АКЦИИТЕ НА ТЕХНОЛОШКИТЕ КОМПАНИИ
20.08.2025
Берзанските индекси S&P 500 и Nasdaq на вчерашното тргување изгубија од вредноста главно поради падот на цените на акциите во технолошките компании пред состанокот на централните банкари во Џексон Хоул. Акциите на технолошките компании и големите производители на чипови паднаа во тргувањето по затворањето на берзата. Акциите на Nvidia изгубија речиси 3,5% од својата вредност, додека другите компании забележаа пад меѓу 5,5% и 3,6%.
Дау Џонс порасна за 0,02 проценти на 44.922 поени, додека S&P 500 се намали за 0,59 проценти на 6.411 поени, а индексот Nasdaq падна за 1,46 проценти на 21.314 поени.
Инвеститорите оваа недела ќе се фокусираат на традиционалниот годишен состанок на централните банкари во Џексон Хоул од 21 до 23 август, каде, меѓу другото, претседателот на Федералните резерви, Џером Пауел, ќе зборува за економската состојба и монетарната политика.
Цените на акциите нагло пораснаа во последните недели, благодарение на надежите на инвеститорите дека Федералните резерви ќе ги намалат каматните стапки за 0,25 процентни поени на состанокот на 17 септември, и тие очекуваат уште едно намалување на каматните стапки до крајот на годината.
Ваквите очекувања се зајакнаа бидејќи најновите податоци покажаа дека американскиот пазар на трудот слабее.
Цените на акциите вчера пораснаа на европските берзи. Лондонскиот индекс FTSE доби 0,34 проценти, на 9.189 поени, додека франкфуртскиот DAX порасна за 0,45 проценти, на 24.423 поени, а парискиот CAC порасна за 1,21 процент, на 7.979 поени, пренесува Индекс.хр.
фото freepic