Економија
ЕУ ГО ОДОБРИ СПОЈУВАЊЕТО МЕЃУ БАЕР И МОНСАНТО
блиц свет
Германскиот конгломерат Баер доби зелено светло од Европската Унија за да го купи Монсанто за 62,5 милијарди долари со што ќе се создаде компанија која ќе има преку 25 % удел на пазарот на семиња и на пестициди. Овој тренд на окрупнување на големите хемиски компании претходно го обележаа спојувањата на Чемчин и Сингета, како и спојувањето на Дау и Дупонт кои претходно, исто така, обезбедија дозвола од антимонополските власти при Европската комисија. За стекнувањето на ова право, Баер мораше да отуѓи цели линии од својот асортиман и да ги продаде на конкурентите, најмногу на БАЕСЕФ (BASF) за шест милијарди евра за да ја засили и нивната позиција на пазарот. Монсанто во септември минатата година ја прифати понудата на Баер за купување акции во вредност од 57 милијарди долари и преземање долг од девет милијарди долари. За целосна функционалност на купопродажбата, Баер веќе оствари напредок и со руските антимонополски власти, а обезбеди и условна дозвола и од Кина.