Бизнис

Намалување на бројот на молзни крави во Србија

29.03.2024г.

• Сподели:

Србија станува зависна од увоз на млеко

Домашното произведено млеко во Србија станува дефицитарен производ, а само во последното тромесечие во 2023 година е намалено за 20 отсто во однос на претходната година. Минатата година производството на конзумно кравјо млеко во млекраниците е намалено за 7,5 отсто, покажуваат податоците на Републичкиот завод за статистика.

Во Србија според резултатите од последниот попис на земјоделството има 725.408 грла говеда, што е намалување од 17,7 отсто во однос на 2018 година. Минатата година е забележано намалување за 9,3 отсто.

-           Млекото е еден од прехранбените артикли за граѓаните, а Србија станува увозно зависна. Тоа е состојбата што ја загрижува стручната јавност. Но тоа се однесува и за месото, вели Жарко Галетин, агроекономски аналитичар во изјава за „Данас“.