Економија
Побарувачката за нови работни места во Германија е релативно слаба
31.05.2024
Германските компании се претпазливи при вработувањето на нови работници. Индикаторот со кој се искажува подготвеноста на германските компании за вработување, во мај годинава, пораснал незначително и изнесува 96,3 поени во споредба со априлските 96 поени, се наведува во извештајот на Институтот за економски истражувања ИФО од Минхен.
- Побарувачката за нови работни места во Германија и натаму е релативно слаба. Германските компании кои имаат намалени нарачки размислуваат за отпуштање на работници, изјави Клаус Волрабе, раководител на истражувањето во ИФО.
Компаниите од производството, трговијата и градежништвото се повеќе „расположени“ за отпуштање на работници. Поголемо интересирање за вработување на нови работници има во секторот на услуги и во туризмот.
Германската економија во првото тримесечие во 2024 година се зголеми за 0,2 отсто во однос на претходниот квартал, објави германскиот Сојузен завод за статистика Дестатис, пренесува Б92.
фото freepic