Економија
ТУРЦИЈА НЕ ОТСТАПУВА ОД КАМАТНА СТАПКА ОД 50 ОТСТО, прогнозираат економистите пред утрешната одлука на Централната банка
19.08.2024
Комитетот за монетарна политика на Турција предводен од гувернерот Фатих Карахан ќе ја задржи цврстата монетарна политика за да ја намали инфлацијата до крајот на годината на 38 отсто. Годишната стапка на инфлација во Турција во јули се намали на 61,78 отсто, но на месечно ниво порасна за 3,23 отсто во однос на јуни, објави неодамна Турскиот институт за статистика (Тукстат).
Турските власти сакаат да постигнат континуиран пад на инфлацијата, но инфлаторните очекувања на компаниите и домаќинствата во Турција се високи и тие влијаат на цените и на побарувачката, пренесува Б92.
Прогнозите се дека потрошувачката во Турција ќе се намали во втората половина годинава. Централната банка утре ќе ја објави одлуката за каматните стапки.
Централната банка на Турција најверојатно по петти пат ќе ја задржи референтната каматна стапка на 50 отсто, е заклучокот од анкетата на економистите кои ја спроведе „Блумберг“.
фото freepic