Финансии / Банкарство
АЗИСКИТЕ БЕРЗИ СО РАСТ, ВОЛСТРИТ ВО БЛАГ ПАД
26.09.2024
Берзите во Азија на денешното тргување прикажаа раст, предводени од растот на индексот Hang Seng во Хонг Конг, кој напредуваше за 3%, достигнувајќи го највисокото ниво од мај.
Индексот CSI 300 на континентална Кина го продолжи растот седми ден по ред, достигнувајќи ги највисоките нивоа во последните два месеца, откако во вторникот Пекинг објави серија мерки за стимулирање на економијата. Индексот се зголеми за 1,58 отсто.
Јапонскиот Nikkei порасна за 2,51%, додека поширокиот Topix за 2,12%, јужнокорејскиот Коспи скокна за 2,41%, потпомогнат од добивката на производителот на чипови SK Hynix, пренесе „Сеебиз“.
На њујоршки Волстрит цените на акциите благо паднаа од рекордно високите нивоа во средата додека инвеститорите очекуваа нови економски вести и шпекулираа за интензитетот на натамошното намалување на каматните стапки.
Индексот Dow Jones загуби 0,70 отсто, на 41.914 поени, додека S&P 500 се намали за 0,19 отсто, на 5.722 поени. Индексот Nasdaq зајакна за 0,04 отсто, на 18.082 поени.
Dow Jones и S&P 500 паднаа од рекордно ниво бидејќи немаше нови вести за поддршка на нивниот понатамошен раст. Сите најнови податоци укажуваат на забавување на растот на американската економија, но се верува дека нема да има рецесија.
фото freepic