Финансии / Банкарство
ПО ВТОР ПАТ ЗА ДВА МЕСЕЦА ТУРЦИЈА ЈА НАМАЛУВА ОСНОВНАТА КАМАТА
23.01.2025
Турската централна банка денеска ја намали основната каматна стапка за 2,5 процентни поени. Ова е второ намалување за два месеци, бидејќи официјалните податоци покажаа забавување на инфлацијата.
Комитетот за монетарна политика на централната банка објави дека ја намалува каматната стапка од 47,5 на 45 отсто. Во декември ја намали каматата за 2,5 процентни поени, пренесува „Бета“.
Според официјалните податоци, годишната стапка на инфлација во Турција од 47,09 отсто во ноември се намалила на 44,38 отсто во декември, но независните економисти велат дека таа всушност е многу повисока.
фото freepic