Финансии / Банкарство
КОИ КОМПАНИИ ТРОШАТ ПОВЕЌЕ НА ЛОБИРАЊЕ КАЈ ЕВРОПРАТЕНИЦИТЕ?
25.02.2025
Mинатата година 162 најголеми корпорации и трговски здруженија заедно потрошиле вкупно 343 милиони евра за лобирање кај пратениците и официјалните претставници на Европската Унија. Од февруари 2024 до февруари 2025 година, годишните трошоци за лобирање се зголемија за 13% или речиси за една третина од 2020 година, според извештајот на непрофитните групи Corporate Europe Observatory (CEO) и LobbiControl.
Овие проценки се „нецелосни“ бидејќи само субјектите кои трошат повеќе од еден милион евра се обврзани да ги објават своите буџети за лобирање во регистарот за транспарентност на ЕУ.
Се чини, буџетите за лобирање ќе продолжат да растат, откако Законот за вештачка интелигенција стапи на сила минатата година и Европската комисија планира да го воведе Договор за чиста индустрија,
- Со години гледаме тренд на зголемување на големото лобирање за технологија, но и растот на трошоците од загадувачките индустрии како што се енергијата и агрохемикалиите во последните пет години (44% и 31% соодветно) јасно го одразува интензивното лобирање околу Зелениот договор, изјави Вики Кан извршната директорка за „Еуроњуз“.
Во анализата се презентирани бројот на состаноци меѓу лобистите и претставниците на ЕУ и бројот на значки со кои им се дава пристап до Европскиот парламент. Сектори кои трошат најмногу за лобирање се големите технолошки компании, банкарството и финансиите, енергијата, хемикалиите и агробизнисот, индустриските трговски здруженија.
- Како прв чекор, Комисијата треба да престане да им дава привилегиран пристап на лобистите во индустријата и да се погрижи гласовите на граѓанското општество и заедницата да се слушнат јасно и гласно, нагласуваат набљудувачите за транспарентност.
Минатиот месец, Комисијата воведе голема промена во транспарентноста на лобирањето со објавување записници од состаноци меѓу лобисти и високи функционери, проширувајќи го барањето за обелоденување од 400 највисоки функционери на околу 1.500, пренесува „Новости“.
фото freepic