Бизнис
Томас Естрани (H&M): Модата мора да биде и достапна и одговорна
21.07.2025г
H&M ја зајакнува својата позиција во Северна Македонија со отворање на нова продавница во Тетово. Во интервју за Економија и бизнис, Томас Естрани – менаџер за продажба на H&M за девет пазари во регионот – зборува за стратегијата зад ова проширување и за иднината на модната индустрија во Југоисточна Европа.
Отворањето на четвртата продавница на H&M во Северна Македонија е дел од пошироката регионална стратегија за навлегување и на помали, но динамични пазари. Естрани објаснува дека Тетово е препознаено како град со силен интерес за современа мода и lifestyle брендови, што совршено се вклопува во визијата на компанијата за долгорочна одржливост и локално присуство.
Компанијата користи детална анализа на пазарот и локални увиди при изборот на нови локации, при што посебен акцент се стaва на флексибилноста на понудата и дигиталната интеграција – од мобилни апликации до онлајн продажба. Одржливоста, пак, останува во срцето на бизнисот: новите продавници се дизајнирани со енергетска ефикасност, а компанијата постојано работи на намалување на еколошкиот отпечаток.
Со отворањето на продавницата во Тетово, се отворија и 15 нови работни места, а H&M продолжува да вложува во развојот и обуката на своите вработени – стратегија што, според Естрани, ја гради корпоративната култура одвнатре.
H&M гледа голем потенцијал во пазарите на Југоисточна Европа, а Северна Македонија е дел од таа долгорочна визија. „Нашата сила лежи во мисијата – мода и квалитет по најдобра цена, на одржлив начин,“ вели Естрани.
Целото интервју прочитајте го на следниот ЛИНК