Економија
Минималната кошничка покриена со половина од вредноста на просечната заработка, анализа на трендовите на куповната моќ во Србија
23.07.2025
Куповната моќ мерена според односот на просечната, односно минималната потрошувачка кошничка и просечната нето плата во март во Србија годинава е поголема отколку во февруари, објави Министерството за внатрешна и надворешна трговија во анализата на трендовите на куповната моќ во Србија во март.
За покривање на просечната потрошувачка кошничка во март беа потребни 0,99 просечни приходи, а во февруари 1,03. Во март за покривање на минималната кошничка беа доволни 0,51 просечни приходи и 0,54 во февруари.
Просечната потрошувачка кошничка за март во Србија изнесуваше 106.864,46 динари и беше за 173,39 динари повисока од февруарската кошничка, додека минималната кошничка беше 55.527,62 динари, 106,48 динари повеќе од февруарската кошничка.
Просечната бруто плата во март изнесувала 148.652 динари, а нето платата, т.е. без даноци и придонеси, била 108.013 динари.
Гледано по градови, во март куповната моќ над националниот просек била во Белград, Нови Сад, Ниш и Крагуевац.Во другите градови што се статистички следени, просечниот месечен нето приход ја покривал минималната потрошувачка кошничка, но не бил доволен за покривање на просечната потрошувачка кошничка, пренесува Еуроњуз.