Економија
ПОНИСКИ ЦЕНИ НА БЕНЗИНИТЕ И ДИЗЕЛОТ
18.08.2025
Малопродажните цени на нафтените деривати согласно Методологијата за формирање на цените, се намалуваат во просек за 1,43%, објави Регулаторната комисија за енергетика.
Малопродажните цени на бензините ЕУРОСУПЕР БС-95 и ЕУРОСУПЕР БС-98 се намалуваат за 0,50 ден/лит. Малопродажната цена на ЕУРОСУПЕР БС-95 изнесува 74,00 ден/лит, додека малопродажната цена на ЕУРОСУПЕР БС-98 изнесува 76,00 ден/лит. Малопродажните цени на ЕУРОДИЗЕЛ (Д-Е V) и на Екстра лесното масло за домаќинство на (ЕЛ 1), се намалуваат за 1,00 ден/лит. Малопродажната цена на ЕУРОДИЗЕЛ (Д-Е V) изнесува 67,50 ден/лит, додека малопродажната цена на Екстра лесното масло за домаќинство на (ЕЛ-1) изнесува 67,00 ден/лит. Малопродажната цена на Мазутот М-1 НС, се намалува за 1,143 ден/кг, со тоа малопродажната цена на Мазутот М-1 НС изнесува 38,643 ден/кг.
Највисоките малопродажни цени на нафтените деривати и горива за транспорт:
- Моторен бензин - ЕУРОСУПЕР БС - 95 – 74,00 (денари/литар)
- Моторен бензин - ЕУРОСУПЕР БС – 98 – 76,00 (денари/литар)
- Дизел гориво - ЕУРОДИЗЕЛ БС (Д-Е V) – 67,50 (денари/литар)
- Масло за горење - Екстра лесно 1 (ЕЛ-1) – 67,00 (денари/литар)
- Мазут М-1 НС – 38,643 (денари/килограм)