Економија

Трамп најавува нови царини

Американскиот претседател Доналд Трамп во петокот објави дека ќе воведе нови царини за челик, полупроводници и компјутерски чипови во следните неколку недели, без да прецизира која царинска стапка ќе се применува за тие производи.

„Следната недела и неделата потоа, ќе воведам царини за челик и за чипови“, изјави Трамп за новинарите во петокот пред средбата со рускиот претседател Владимир Путин.

На почетокот новите царини ќе бидат пониски, за да имаат можност компаниите да започнат со производство во САД, рече американскиот претседател, објаснувајќи дека компаниите сигурно ќе претпочитаат да градат фабрики во САД отколку да плаќаат високи царини.

Доколку стапат во сила царините за увоз на чипови од големите добавувачи, што ги објави американскиот претседател во петокот, американските потрошувачи веројатно ќе мора да плаќаат повисоки цени за сите електронски производи, бидејќи чиповите што се користат во нив се произведуваат претежно во Азија. Речиси сите високотехнолошки чипови потребни за паметни телефони се произведуваат во Тајван, пренесува Пословни дневник.


фото freepic 

ПРЕПОРАЧАНО