Економија
ХРВАТСКАТА ВЛАДА ЌЕ ГО НАДОМЕСТИ ТРОШОКОТ НА ФИРМИТЕ ЗА РАСТ НА МИНИМАЛНАТА ПЛАТА
25.10.2024
Владата на Хрватска одлучи да се зголеми износот на минималната бруто плата за следната година за 130 евра и таа ќе изнесува вкупно 970 евра. Зголемување ќе има на вредноста на работниот час за студентите на 6,06 евра, а најавени се компензациски мерки за работодавачите за зголемената минимална плата заради одржување на нивната економска активност и да се зачуваат работните места.
Премиерот на Хрватска Андреј Пленковиќ вчера изјави дека се задолжени во Хрватскиот завод за вработување да предложат список за помош на работодавачите кои имаат високо учество на работници со минимални плати. Предлогот е во првите три месеци од 2025 година на фирмите да им се исплати разликата во растот на минималната плата.
- За секој работник кој прима минимална плата фирмата ќе може да бара компензација на сумата меѓу сегашната и иднината минимална плата, изјави Пленковиќ.
фото freepic