Економија
ЦАРИНИТЕ ЗА КИНА, КАНАДА И МЕКСИКО ПОЧНУВААТ ОД 4 МАРТ, објави американскиот претседател Трамп
27.02.2025
Американскиот претседател Доналд Трамп денеска објави дека САД ќе воведе дополнителни царини од десет отсто за кинески стоки почнувајќи од 4 март, и рече дека тарифите за Канада и Мексико, исто така, ќе стапат на сила на тој датум.
Обвинувајќи ги трите земји за олеснување на влезот на дрогата фентанил во САД, Трамп на својата социјална мрежа напиша дека „додека ова зло продолжува или не е сериозно контролирано, најавените тарифи (против Канада и Мексико) ќе стапат на сила на 4 март, како што е предвидено“, додека дополнителни десет отсто царини ќе бидат воведени и за Кина.
Кинеските производи се цел на царини од десет проценти од почетокот на февруари, на што Пекинг одговори со соодветни царини за американскиот извоз, пренесе „Бизнис.рс“.
фото freepic