Економија
Преговорите за ослободување на Македонија од американските царини водат во позитивна насока, изјави премиерот Мицкоски
07.07.2025
Премиерот Христија Мицкоски потврди дека има понуди за финансирање на изградбата на брзата пруга на Коридорт 10, за кои рокот за доставување завршува денеска. Министерсвото за финансии има испратено барање за понуди до 24 банки за финансирање на изградба на брзата пруга на Коридорот 10.
Преговорите со САД за ослободување од царинските тарифи се во тек и се водат во позитивна насока.
- Следната недела е крајниот рок кога македонската јавност ќе знае што е тоа што го добиваме од администрацијата на САД, рече Мицкоски.
САД од денеска ќе започнат да испраќаат официјални писма до своите трговски партнери со детали за нови царини и трговски договори, соопшти американскиот претседател Доналд Трамп.
Трамп уште во април најави основна царина од 10 отсто за речиси сите увозни производи, со дополнителни „реципроцитетни“ царини за земји со трговски дефицити со САД. Овие мерки беа паузирани за 90 дена, рок кој истекува на 9 јули.
„Писмата со договори или царини ќе бидат испратени до различни земји низ светот од понеделник напладне (16:00 по Гринич)“, објави Трамп на платформата Трут Соушл.
Трамп изјави дека очекува „до 9 јули да биде завршено со поголемиот дел од земјите – или со писмо или со договор“, додека неговиот министер за трговија, Хауард Латник, прецизираше дека новите царини ќе стапат во сила на 1 август. Првичната цел на мерките, според Белата куќа, е да се поттикнат другите земји да ги намалат бариерите за американски извоз.