Економија
ЦЕНАТА НА НАФТАТА НАД 70 ДОЛАРИ, трговците стравуваат од нарушување на снабдувањето со дизел во Европа
18.07.2025
Цените на нафтата на меѓународните пазари се искачија над 70 долари поради шпекулациите на инвеститорите дека новите санкции врз Русија би можеле да го нарушат снабдувањето со дизел во Европа.
На лондонскиот пазар, цената на барел нафта попладнето беше повисока за 93 центи отколку на затворањето на тргувањето вчера и изнесуваше 70,45 долари. На американскиот пазар, денеска барелот се тргуваше по повисока цена од 68,54 долари. Трговците беа загрижени од нападите на проиранските милиции врз нафтените постројки во ирачки Курдистан. Производството на нафта во тој дел од Ирак е приближно преполовено, на околу 140.000 до 150.000 барели дневно.
Вниманието на трговците е насочено кон новиот европски пакет санкции врз Русија. Лидерите на ЕУ се согласија за мерки што вклучуваат намалување на ценовниот лимит за руската нафта.
Новите европски санкции ќе го намалат ценовниот лимит за руската нафта на 47,6 долари, изјавија дипломати за Ројтерс.
Денеска, фјучерсите за дизел со ниска содржина на сулфур на лондонскиот пазар беа дури 27,70 долари поскапи од нафтата. Разликата во цената се зголеми за дури 3,50 долари, најмногу од февруари минатата година.
Зголемувањето на цената сигнализира стравувања на пазарот дека Европа ќе остане без дизелот што го набавуваше од Индија, велат експерти од нафетниот бизнис, пренесува Сеебиз.
фото freepic