Економија

Барселона од туристичка такса ќе гради соларни колектори

27.02.2024г

Градот Барселона почна со спроведување на планот за поставување на соларни панели на покривите на училиштата, а за оваа намена се предвидени 100 милиони евра. Овој износ ќе биде обезбеден од наплата на таксите за престој од туристите. 

Проектот на градските власти, која е позната туристичка дестинација, опфаќа 170 училишта. Поставувањето на соларни колектори на училиштата во Барселона ќе се одвива во две фази, кои треба да завршат до 2029 година. Вкупната површина за изградба на фотонапонските панели изнесува 181 илјада квадратни метри, се наведува на сајтот на Градскиот совет на Барселона.

Процените се дека овие соларни панели ќе произведуваат повеќе енергија од потребите на училиштата, а вишокот ќе биде пренаменет за потребите на Градот. Оваа енергија ќе се користи за климатизација на училишните објекти. Поради тоа во инвестициите на  градските власти се опфатени и поставување на прочистувачи на воздухот и вентилациски системи, пренесува Енергетски портал.


фото: freepic

 

ПРЕПОРАЧАНО