Економија
Земјоделците во Индија бараат гарантирани цени за 20 култури
04.03.2024г.
Индиските земјоделци за среда најавуваат протестен марш до главниот град Њу Делхи, изјави Јагјит Синг Далавел, лидерот на незадоволните земјоделци. Земјоделците на протестот ќе пристигнат со возови, автобуси и авиони од сите градови на Индија.
Маршот ќе биде организиран по неколку рунди неуспешни преговори за барањата на земјоделците за зголемување на откупните цени на засеаните земјоделски култури, пренесува Ројтерс.
Синдикалните лидери бараат гаранција од државата или минимална откупна цена за своите производи. Владата секоја година објавува гарантирани цени за повеќе од 20 земјоделски производи, но државните агенции го откупуваат само оризот и пченицата по гарантирани цени. Оваа бенифиција ја користат само шест отсто од земјоделските производители, кои ги одгледуваат овие две култури.
Земјоделците ќе ги блокираат железничките пруги во земјата на 10 март.
фото freepic