Економија
ЕУ оствари суфицит во трговијата со стоки со САД
11.03.2024г
ЕУ ја зголемила количината на увозен гас од САД
Минатата година Европската Унија во трговијата со стоки со Соединетите Американски Држави оствари суфицит од 158 милијарди евра, објави денеска Евростат. ЕУ во САД извезла стока во вредност од 502 милијарди евра, а увезла производи за 344 милијарди евра.
Во 2023 година Европската Унија од САД увезла сурова нафта за 42,4 милијарди евра, што е зголемување за 11,4 отсто во споредба со 2022 година. Зголемен увоз остварила и кај медицински и фармацевстки производи за 32,5 милијарди евра, или за 36,6 отсто повеќе во однос на 2022 година.
ЕУ од САД увезла природен гас за 26,9 милијарди евра, односно за 44,8 отсто помалку. Овој пад на вредноста на увозот е последица на големото намалување на цената на гасот. Наспроти ова, количината на увозен гас од САД пораснала за 14 отсто.
САД се најголем трговски партнер на Европската Унија во извозот на стоки со учество од 19,7 отсто, а во увозот е на второ место со учество од 13,7 отсто.
фото freepic