Економија
СТО: Се движиме кон заздравување на глобалната трговија
11.04.2024г.
Светската трговија покажува знаци на заздравување оваа годниа, но судирите, геоплитичките тензии и неизвесност во водењето на економската политика ќе претставуваат значителни ризици за глобалната трговска размена се наведува во најновата прогноза на Светската трговска организација (СТО). Од оваа организација очекуваат растот на обемот на глобалната стоковна размена да изнесува 2,6 отсто во 2024 година и 3,3 отсто во 2025 година. Со октомвриските прогнози на СТО растот на стоковната размена во светот беше проектирана на 3,3 отсто.
- Се движиме кон заздравување на глобалната трговија, поради отпорноста на синџирите за снабдување и силината на мултилатералната трговска рамка, изјави Нгози Окоњо-Ивеала, генералната директорка во СТО.
Во извештајот се проценува дека глобалниот раст на БДП ќе остане стабилен во наредните две години, кој ќе достигне 2,6 отсто во 2024 година и 2,7 отсто во 2025 година.
Минатата година високите цени на енергентите и инфлацијата продолжија да влијаат на потрошувачката на индустриски производи. Ова предизвика пад на обемот на глобалната трговија од 1,2 отсто. Во октомври СТО очекуваше зголемување од 0,8 отсто. Намалување на трговската размена е резултат на неисполнетите очекувања за економскиот раст на Европа, пренесе „Данас“.
фото freepic