Светските цени на прехранбените производи во септември забележале најбрз раст во изминатите 18 месеци, соопштија од Организацијата за храна и земјоделство на ОН (ФАО). Во овој месец поскапеле сите прехранбени производи, а највисок раст има кај шеќерот со 10,4 отсто.

Во септември глобалниот индекс на цените на храната изнесува 124,4 поени, што е за три отсто повеќе во однос на август и за 2,1 отсто повеќе во однос на истиот месец лани.

Цените на житарките се зголемени за три отсто, поради повисоките извозни цени на пченицата и пченката. Цените на растителното масло во септември се зголемија за 4,6 отсто во однос на претходниот месец.

Млечните производи забележале раст на глобалниот индекс на цени за 3,8 отсто, а месото поскапело за 0,4 отсто, пренесе „Данас“.

фото freepic