Ситните монети во Русија  не се користат меѓу граѓаните при плаќањето, па затоа Централната банка размислува дали да продолжи да ги произведува, изјавил Анатолиј Аксаков, шефот на Комитетот за финансиски пазар во Државната дума.

Печатењето на банкноти со номинална вредност од пет рубљи станало поисплатливо  од издавањето на монети со исти апоени.  

- Пристапот на Централната банка е правилен и подобро е да се заштеди на издавањето на пари. Прашањето е дали воопшто вреди да се произведува нешто што на луѓето не им е потребно, изјавил Аксанов за РИА Новости.

Според податоците на Централната банка, од 1 октомври во Русија во оптек се 72,8 милијарди монети, а нивниот број е зголемен за 1,2 отсто во однос на минатата година. Во просек на секој жител на Русија има околу 500 парчиња монети.

фото freepic