Финансии / Банкарство
ГОДИШЕН ПОРАСТ НА ДРЖАВНИОТ ДОЛГ ВО 16 ЗЕМЈИ ВО ЕУ
22.01.2025
Јавниот долг на еврозоната на крајот на третиот квартал од 2024 година изнесува 88,2 отсто од нејзиниот бруто домашен производ, исто како и во вториот квартал, објави денеска Евростат.
Јавниот долг на Европската Унија за третиот квартал од минатата година претставувал 81,6 отсто од нејзиниот бруто домашен производ, а овој процент не се променил во однос на вториот квартал.
Јавниот долг на еврозоната е благо намален во однос на третиот квартал од 2023 година, кога изнесуваше 88,4 отсто од БДП.
Спротивно на тоа, јавниот долг на ЕУ благо се зголеми на годишно ниво, достигнувајќи 81,5 отсто од БДП на крајот на третиот квартал од 2023 година.
Најзадолжени земји во Европската Унија во третиот квартал од 2024 година биле Грција со долг од 158,2 отсто од БДП, Италија 136,3 отсто, Франција 113,8 отсто, Белгија 105,6 отсто, Шпанија 104,3 отсто.
Најмалку задолжени земји се Естонија, чиј национален долг изнесува 24 отсто од БДП, Бугарија 24,6 отсто и Луксембург 26,6 отсто.
Шеснаесет земји од ЕУ забележаа годишен пораст на државниот долг во однос на третиот квартал од 2023 година, додека 11 земји-членки забележаа намалување, објави на Евростат.
Најголем годишен пораст на јавниот долг во однос на БДП е забележан во Финска, за 6,7 отсто, Естонија 5,3 отсто и Полска 4,9 отсто, додека најголем пад има Грција 10 отсто, Португалија 8,8 отсто и Кипар 5,4 отсто, пренесува „Блиц“.
фото freepic