Финансии / Банкарство
УНГАРИЈА ЌЕ ВОВЕДЕ ДАНОЧНИ ОЛЕСНУВАЊА ЗА МАЈКИТЕ СО ДВЕ ИЛИ ТРИ ДЕЦА
24.02.2025
Унгарскиот премиер Виктор Орбан најави ослободување од данок на доход за мајките со две или три деца, а ќе ги ограничи и каматните стапки на станбените кредити на пет отсто од април годинава, како дел од програмата за јакнење на економијата во пресрет на изборите во 2026 година.
Даночното ослободување за мајките со две деца ќе биде постепено воведувано од јануари следната година, а за мајките со три деца ослободувањето ќе биде од октомври.
- Ова ќе биде голем трошок, но ќе ја освежи економијата. Преку помагање на претпријатијата и со воведување на целосна вработеност ќе може да се намали буџетскиот дефицит и јавниот долг, изјави Орбан.
Неговата влада е подготвена да воведе ограничување на растот на цената на храната, доколку не успеат разговорите со трговците на мало и не ги одржат цените под контрола.
Инфлацијата во Унгарија пред две години достигна највисоко ниво во Европската Унија се намали на 5,5 отсто во јануари, пренесува Тпортал.
фото freepic