Финансии / Банкарство

ПЕТ МИЛИОНИ ЕВРА БУЏЕТСКИ ПРИХОД ОД МАРКИРАЊЕ НА ГОРИВАТА

Пред парламентот на Црна Гора ќе се најдат измените на Законот за енергетика со кои ќе се воведе нова одредба за маркирање на течните горива со потекло од нафта и биогорива, а кои ќе бидат наменети за снабдување на пловните одбјекти во меѓународен сообраќај.

Ова е една од обврските во процесот за пристапување во Европската Унија. Во првата фаза од примената треба да се наплатат пет милиони евра, додека со целосната примена на овие прописи буџетскиот приход ќе достигне до 14 милиони евра.

- Маркирањето на горивата се базира на нанотехнологијата односно на посебна супстанца  која не влијае на квалитетот на горивата, но при контрола на горивото може да се идентификува дали тоа потекнува од илегален промет. На овој начин се обезбедуваат повисоки буџетски приходи, објаснува Зорана Секулиќ, генерална директорка на Директоратот за енергетика.

Спречувањето на сивата трговија на пазарот за енергетика е главната цел на Владата на ЦГ. Со новите одредби се предвидува маркирање на моторниот бензин, еуродизелот и течниот нафтен гас, како и биогоривата кои ќе се најдат на пазарот на Црна Гора, пренесува РТЦГ.


фото freepic 

 

ПРЕПОРАЧАНО

Најчитано