Економија
Куба го исклучува јавното осветлување во време на тешка енергетска криза
06.03.2024г
Куба исклучи три четвртини од јавното осветлување во период на најголема годишна потрошувачка, за да го покрие недостигот на електрична енергија. Исклучувањето на струјата за граѓаните и компаниите е долгогодишен проблем, но состојбата се влошила последниот месец поради недостигот на гориво и намалените инвестиции во одржувањето на застарената преносна мрежа, објавија медиумите во Куба.
Министерот за енергетика и рударство на состанокот на Советот на министри изјавил дека гаснењето на уличното осветлување е потребно за да се намалат рестрикциите со кои се соочува кубанските граѓани.
Куба е зависна од увоз на повеќе производи и енергија, а кубанската економија е во постојан пад. Бруто домашниот производт на Куба се намали за 10 отсто во однос на 2019 година, пренесува Сеебиз.
фото freepic