Економија
СРБИЈА ПЛАНИРА ДА СЕ ВКЛУЧИ ВО ИЗГРАДБА НА НАФТОВОД СО УНГАРИЈА
17.11.2024
Србија планира да изгради нов нафтовод кон Унгарија за да ја намали зависноста од Јадранскиот нафтовод „Јанаф“, преку кој стигнуваат три четвртини од овој енергент до рафинеријата во Панчево. Прашањето за изградба на овој нафтовод долг 200 километри го актуелизираше српскиот претседател Александар Вучиќ, на средбата со унгарскиот премиер Виктор Орбан.
Новиот нафтовод би се поврзал со нафотовод „Дружба“ во Русија и кој во овој момент не е опфатен со санкциите на Европската Унија. Дубравка Џедовиќ, министерката за енергетика, ја нагласува важноста на овој алтернативен правец заради намалување на трошоците за транспорт во однос на транспортот на нафта од хрватскиот нафтовод, пренесува „Политика“.
фото freepic