Економија
ИНФОРМАТИЧАРИТЕ СО ПЛАТА НАД 1.500 ЕВРА, ПРОСЕЧНАТА ПЛАТА НАД 42.000
20.12.2024
Просечната месечна исплатена нето-плата по вработен, во октомври годинава, изнесувала 42 134 денари, и во однос на октомври лани е повисока за 8,5 отсто, соопшти Државниот завод за статистика.
Ваквиот раст се должи, пред сѐ, на зголемувањето на просечната месечна исплатена нето-плата по вработен во секторите: Уметност, забава и рекреација (11,5 %), Информации и комуникации (10,7 %) и Образование (10,6 %).
Зголемување на просечната месечна исплатена нето-плата по вработен, во однос на претходниот месец, е забележано во секторите: Дејности во врска со недвижен имот (7,5 %), Образование (5,0 %) и Градежништво (3,1 %).
Просечната месечна исплатена бруто-плата по вработен, во октомври 2024 година, изнесувала 63 392 денари.
Највисока просечна плата во октомври е исплатена во дејноста kомпјутерско програмирање, консултантски и сродни дејности во износ од 97 404 и таа е повисока за 5,2 отсто во однос на истиот месец лани.