Економија
ВИСОКИТЕ ДАНОЦИ ЗА СТРУЈАТА ЈА СЛАБЕЕ ЕВРОПСКАТА ИНДУСТРИЈА, посочуваат експертите
24.12.2024
Европските земји мораат да пронајдат начини за намалување на данокот на електричната енергија за да ја поттикнат конкурентноста на своите енергетски интензивни индустрии, изјави Леонард Бирнбаум, претседател на енергетското лоби Еурелектрик во разговор за „Ројтерс“.
Цените на електричната енергија во Европската Унија се многу повисоки од цените во САД што го загрозува производството на алуминиум, челик, хемиските производи и цементот, а го оптоварува и работењето на другите индустрии кои трошат големи количини на електрична енергија.
Даноците на електричната енергија во ЕУ како учество во цената на струјата за домаќинствата и индустриските потрошувачи се до три пати повисоки во однос на цената на гасот. Како проблем се јавува тоа што висината на даноците за струја ги определува посебно секоја земја во ЕУ.
фото freepic